ՔԱՂԱՔԱԿՐԹԱԿԱՆ ԶԱՐԳԱՑՄԱՆ ԹՎԱՅԻՆ ԵՎ ՏԵԽՆՈ-ԿՈԳՆԻՏԻՎ ՈԼՈՐՏԸ

«Քաղաքակրթական զարգացման թվային և տեխնո-կոգնիտիվ ոլորտը» հետազոտական ուղղությունը նվիրված է թվային տիրույթի, տեխնո-կոգնիտիվ գործընթացների և քաղաքակրթությունների երկարաժամկետ դինամիկայի վրա դրանց ունեցած ազդեցության ուսումնասիրությանը։

Էմերջենտ դարաշրջանի պայմաններում թվային հարթակները, ալգորիթմական համակարգերը, արհեստական բանականությունն ու գլոբալ տեղեկատվական-հաղորդակցական ցանցերը ձևավորում են հասարակական կյանքի նոր չափում՝ փոխելով հաղորդակցության, համակարգման, որոշումների ընդունման և հավաքական գիտակցության ձևավորման մեխանիզմները։

Առանձնահատուկ ուշադրություն է դարձվում քաղաքակրթությունների թվային կերպափոխման, կոգնիտիվ տարածության զարգացման, ալգորիթմական կառավարման և կոգնիտիվ անվտանգության հետազոտմանը՝ որպես քաղաքակրթական ռեզիլենտության գործոնների։