«ԱՇԽԱՐՀ» ՆԱԽԱԳԾԻ ԳՈՅԱԲԱՆԱԿԱՆ ՇՐՋԱՆԱԿԸ

Ներածություն

Սույն փաստաթուղթն իրենից ներկայացնում է «Աշխարհ» նախագծի գոկաբանական ֆրեյմը, որն ամրագրում է դրա կանոնը, բազիսային ու ընդլայնված սկզբունքների համակարգը, ինչպես նաև օբյեկտիվ իրականության մեջ նախագծի ծավալման փուլերը։

Կանոնը որոշում է թույլատրելիի և անթույլատրելիի սահմանները, ներմուծում է հիմնարար զատորոշումներ և սահմանում է այն լեզուն, որը հնարավոր է դարձնում Աշխարհի ապագայի նախագծումը փոփոխությունների դարաշրջանի պայմաններում։
Նախագծի սկզբունքները բխում են կանոնից և սահմանում են նախագծի կայունության ու զարգացման պայմանները՝ ապահովելով հաջորդող հետազոտությունների և դրա ծավալման ձևերի կապակցվածությունը։

«Աշխարհ» նախագիծն ընկալվում է որպես քաղաքակրթական և ամբողջական, որն օժտված է զարգացման սեփական տրամաբանությամբ, կենտրոնով ու հորիզոնով, և չի կարող հանգեցվել (ռեդուկցիայի ենթարկվել) մշակութային, կրոնափիլիսոփայական, հասարակական-քաղաքական, գիտական կամ տեխնոլոգիական նախաձեռնությունների։

Փաստաթուղթն ունի հիմնադիր բնույթ և նախատեսված է նախագծի փոշիացումը, զավթումն ու գործիքայնացումը (ինստրումենտալացումը) կանխելու համար՝ ներմուծելով անհրաժեշտ սահմանափակումներ, զատորոշումներ և պայմաններ, որոնց շրջանակներում տեղի է ունենում դրա զարգացումը։ Այն չի նկարագրում նախագծի նպատակադրումը, առաքելությունը, ճարտարապետությունը կամ օպերացիոն մեխանիզմները։ Փաստաթուղթը նաև չի նկարագրում հաջորդ փուլերում և այլ փաստաթղթերում ձևավորվող ինստիտուտները, կառուցվածքներն ու դրանց գործառույթները, որոնք չեն կարող հակասել կանոնին և սկզբունքներին։